Preamble of COCOMI

The Coordinating Committee on Manipur Integrity (COCOMI)

COCOMI gi Chatna-Kanglon

Wamaang Yaanba

2019 gi October thaa dagi Manipur gi apunba shaktam kannabagi thabak thouram kaya chatharakliba ‘The Coordinating Committee on Manipur Integrity (COCOMI)’ na chahi 4 hellakpa asida makhal kayagi thoudok wathok thengnarakli. Thengnarakliba wathok laanthok singgi manungda khwaidagi henna chaoba wathok hairagadi Kuki Narco-Terrorist singna aphongba laan ama tourakliba asini. Asigumba aphongba laan asibu thengnaba haibasi taha tahaba phibam amada COCOMI na thoudang loudaba yaraktabagi phibam leirakle.

COCOMI gi oinasu Chatna Kanglon amadi kayat leirakhidabana lusallakpa tanphamda CSO masel amadi miyamgasu chungsannaba ‘Coordination’ touba watkhi. Phurup maselgi oihallakliba achouba wathok-laanthok asibu maiyoknaba ngamnaba COCOMI oinadi akanba panggal sagatpa mathou tai.

Adum oinamak COCOMI na miyamgi Luptin oiba ngammaktaba-dagi Manipur thugainabagi chatharakliba aphongba laantheng asibu maiyoknabada ninghannabagi mami hek hek tarakpa leirakhi. Asigumba asonba, asoiba phibam kayasi amuk hanna leitanaba COCOMI gi Chatna Kanglon ama semduna achetpa thoudang louminnagani. Mathou taraba Chatna Kanglon asigi pandamdi Apunba Manipur (Kangleipak) ama oina adumak leithonbada mangam sannabani.

Charaap Waahou

(Preamble)

Ima Leibak Manipur da punna khundaaminnaduna chahi lising kaya nungsi channana hingminnaraklaba ireichasinggi marakta kanglup kharada houkhiba chahi khara asida machet taningbagi eehul lakpa asi munna khangladuna;

Apunba Manipur da eikhoi pumnamakki ikai khumnaba phangba, nungngai yaiphaba, ing tappa, chaokhatpa, kanglup amana amabu namthadaba amadi amaga amagi leithonminnaba ireibak ama semgatkadabani haibasida thajaraduna;

Lammitlon, leisemlon nattraga leingaaklonda kairaba Manipur adu eikhoi pumnamakki leisemlon-leingaaklon, senmitlon amadi khunnairol da chang phangna mahaam taaraba, kangkhong chairaba ireibak amagi shaktam oiragadi, masigi mahei oina eikhoi pumnamak atenba matam amagi manungda malemgi leimaidagi mutkhibagi akiba phibam oirakani haibasida chetna thajaraduna;

Amasung Houjikki meerol eikhoina lingjel mannana amatta oina punsannaduna hotnarabadi houjik houjik leiriba phibham asida Manipur gi apunba saktam kanba ngamgani haiba chetna thajaraduna;

Nungngai yaiphaba, watta paadaba, yaibi maraang kaiba, wakhal wangba, tunggi lambi uba, thong mannana paanminnaba, khut kanba apunba Manipur ama semgatnabagidamak Manipur meeyamgi CSO 55 amasung Charaap Waahou asibu thajaba lanai meeoi singna The Co-ordinating Committee on Manipur Integrity, asambada COCOMI kouba Luptin asi ing 2019 gi October gi tang 21 da Imphal da semkhi.

Eikhoigi leibak meeyamgi lup (CSO) 55, Branch Committee 9 asigi meehut singna amasung lannai meewoisingna, COCOMI gi Chatna-Kanglon asi Ngasi, January gi cheichat 30, 2025, numit asidagi Luptin asigi oina chatnarasi haina amatta oina lepnakhi.